Kryetarja e Komunës së Preshevës, Ardita Sinani ka falënderuar Zëvendëskryeministrin në detyrë të Kosovës, Besnik Bislimi për ngritjen e çështjes së shqiptarëve të Luginës së Preshevës në takimin me emisarin e Bashkimit Evropian për dialogun Kosovë-Serbi.

Ajo tha se bllokimi i fondeve për bujqit dhe mungesa e pikave kufitare sezonale janë probleme serioze që prekin drejtpërdrejt qytetarët tanë, shkruan Arbresh.info.

“E falënderoj Zëvendëskryeministrin e Republikës së Kosovës, z. Besnik Bislimi, për ngritjen e çështjes së shqiptarëve të Luginës së Preshevës në takimin me BE-në. Bllokimi i fondeve për bujqit dhe mungesa e pikave kufitare sezonale janë probleme serioze që prekin drejtpërdrejt qytetarët tanë.”, shtoi Sinani.

“Vlerësoj përkushtimin e institucioneve të Republikës së Kosovës për të qenë zë i fuqishëm i shqiptarëve të Luginës.”, ka shkruar mes të tjerash ajo./Arbresh.info/